ಪ್ರೀತಿಯ ವಿಧಾಯ

This poem is based on true love story. I have narrated the feelings in poetic way :)

ನಿನ್ನ ಪರಿಚಯದಿಂದ ಬೆಳದಿಂಗಳಾಯಿತು,

ನಿನ್ನ ಸ್ಪರ್ಶ ಮಂಜಿನಂತೆ ಕರಗಿತು,

ನಿನ್ನೊಡನೆ ನಡೆ ಸಿಹಿ ನೆನಪಾಯಿತು,

ನಿನ್ನ ಕೈ ತುತ್ತು ಕರಗಿಹೋಯಿತು!

ನನ್ನ ಕಿರು ನಗೆಯೆಂದು ನಿನ್ನಿಂದಲೇ,

ತಿಳಿಯದ ಲೋಕವ ಅರಿಯದ ಭಾವವ ಸವಿದೆನು ನಿನ್ನಿಂದಲೇ,

ಪ್ರೇಮಿಯನ್ನ ಹುಡುಕಲು ಹೋಗಿ ಪ್ರೀತಿಯನ್ನೇ ಕಂಡೆನು ನಿನ್ನಿಂದಲೇ,

ತನು ಮನ ಸಮ್ಮಿಲನವಾಗಲಿ ನಿನ್ನಲ್ಲೇ ನಿನ್ನಿಂದಲೇ!

ಕಣ್ಣ ಬಿಂಬದಲ್ಲೇ ಉಳಿದು ಬಿಡು ಚಿನ್ನ,

ನಿನ್ನ ಮಾತಲ್ಲಿ ಮರೆಯುವೆ ನನ್ನ,

ನಿನ್ನ ಹಾಡಲ್ಲಿ ಜೀವಿಸುವೆ ಇನ್ನ,

ಕೈ ಹಿಡಿದು ನಡೆಸು ಎನ್ನ!

ಮಾತೊಂದ ಹೇಳಬೇಕಿತ್ತು,

ಮಾತು ಮುತ್ತಾಗಿ ಮನಸಲ್ಲೇ ಅಡಗಿತು,

ನನ್ನ ಹೃಮಿಡಿತದ ಭಾವ ತಿಳಿಸಬೇಕಿತ್ತು,

ಹೃದಯ ಸ್ತಬ್ದವಾಗಿ ಹೋಯಿತು!

ವಿದಾಯದ ಕಣ್ಣಿರ ಮಳೆಯು ಮರೆಮಾಚಿತು,

ಆದರೆ ನನ್ನ ಹೃದಯ ಬಿಟ್ಟು ಹೋಗಬೇಕಾಯಿತು,

ರೆಪ್ಪೆಯಾಡುವ ಸಮಯವೂ ನಿನ್ನ ಅಗಲಿಕೆ ಸಹಿಸಲಾರೆನು,

ಕೊನೆಗೂ ಮನದಾಳದ ಮಾತನ್ನು ಹೇಳದೆ ಹೋಗುತಿಹೆನು!

ನಿನಗಾಗಿ ನಾನೆಂದೂ ಕಾಯುವೆ ನನ್ನೋಲುವೆ!!

ಬೀಳ್ಕೊಡುಗೆ

farewell to my friend.

ಹಕ್ಕಿಯು ಗೂಡಿನಿಂದ ಹಾರಿದರೂ,

ಸಮುದ್ರದ ಅಲೆಯು ದಂಡೆಗೆ ಅಪ್ಪಳಿಸಿದರೂ,

ಪ್ರೀತಿಯು ಹೃದಯದಿಂದ ಜಾರಿದರೂ,

ನೀನು ನನ್ನ ಕಣ್ಣರಿವಿಗೆ ದೂರವಾದರೂ,

ಎಲ್ಲವೂ ತಮ್ಮ ಮನೆಗೆ ಸೇರಲೇಬೇಕು,

ನನ್ನ ನಿನ್ನ ಸ್ನೇಹ ಸ್ಥಿರವಾಗಿರಬೇಕು.

ಮನ ಮೆಚ್ಚಿದ ಮನಾಲಿ

Beautiful Manali

ಬೆಳ್ಳಿಯ ಮೋಡದಲಿ ಮುಳಿಗಿರುವ ಮನಾಲಿ,

ಹೂವಿನ ಮಡಿಲಲಿ ಮಗುವಾಗಿ ತೂಗಿದ ಇಬ್ಬನಿಯ ಜೋಕಾಲಿ,

ಹಸಿರು ತೋರಣದಂತೆ ಶೋಭಿಸುವ ನಿಲುವಾದ ಗಿಡ ಮರಗಳು,

ಹಸಿರಿಂದ ಕೆಂಪಾದ ಸೇಬು ಹಣ್ಣಿನ ಗೊಂಚಲುಗಳು.

ರಭಸದಿಂದ ಹರಿಯುವ ಭ್ಯಾಸ್ ಹೊಳೆ,

ಮೂರು ಹಂತದ ಗೋಪುರದಲ್ಲಿ ಪೂಜಿತಲಾದ ಹಿಡಿಂಬ ದೇವಿ,

ನಿಲುವಗಂಬದೊಂದಿಗೆ ಎಲ್ಲರಿಗೂ ದರ್ಶಿತನಾದ ಗಟೂಜ್ಗಜ,

ಎಂದಿಗೂ ಮುತ್ತಿನ ಹನಿಗಳೊಂದಿಗೆ ಅಲಂಕೃತ ನಾಡು.

ಪ್ರವಾಸಿಗರ ಮನದೌತಣ ಮನಾಲಿ,

ನವ ದಂಪತಿಗಳ ಶೃಂಗಾಲಯ ಮನಾಲಿ,

ತಂಪು ತಂಗಾಳಿಯ ಬೀಡು ಮನಾಲಿ,

ಮೈ ಮನ ಮರೆಸುವುದು ಮನಾಲಿ.

ದೇವರ ಕನಸು

Incredible Ladakh!!!

ದೇವರ ಕನಸಲ್ಲಿ ಮೂಡಿದ್ದು,

ಮಾನವನ ಕಣ್ಣಿಗೆ ಕಂಡಿದ್ದು,

ಸ್ವರ್ಗವು ಸೃಷ್ಟಿ ಆಗಿದ್ದು,

ಹಿಮಪರ್ವತಗಳ ಹಿಮಬಿಂದು ಹಿಮಾಲಯ.

ಸಾಲುಸಾಲಾಗಿ ನಿಂತಿರುವ ಹಿಮಪರ್ವತಗಳು,

ತವರೂರಿಂದ ಸಾಗಿದ ಜಲಧಾರೆಗಳು,

ಯಾತ್ರಿಕರಿಗೆ ವಿಸ್ಮಯವೆನಿಸುವ ಕಣಿವೆಗಳು,

ಸಾಯುವ ಮುನ್ನ ನೋಡಲೆಬೇಕೆನಿಸುವ ಹಿಮಾಲಯ.

ವರ್ಣಗಳೊಂದಿಗೆ ತನ್ನನ್ನು ವರ್ಣಿಸುವ ನಾಲೆ ಪ್ಯಾಂಗಾಂಗ್,

ಅತಿ ಎತ್ತರದ ಸಂಚಾರಿ ಪರ್ವತವೆಂದು ಕರೆಯುವ ಕರ್ದುಂಗ್ಲಾ,

ಗಡಿಭದ್ರತಾ ಕೇಂದ್ರಾಲಯ ಲಧಾಖ್,

ಲೇ ಲೇ, ಈ ಸೊಬಗಿಗೆ ನಾನು ಪಾಲಾಗುವೆ ಎನ್ನುತ "ಲೇಹ್".

ನಿನಗಾಗಿ ನಾನು

The love of a flower & a leaf in the plant.

ನಿನ್ನಂತೆಯೇ ನಾನು, ನನ್ನಂತೆಯೇ ನೀನು,

ಪ್ರೀತಿಯ ಬಳ್ಳಿಯಲ್ಲಿ ಮೂಡಿತು ನಮ್ಮಿಬ್ಬರ ಒಲವು,

ಬಳ್ಳಿಯ ಹೂವಾಗಿ ನೀನು, ಆಸರೆಯ ಎಲೆಯಾಗಿ ನಾನು,

ಬೆಳೆಯಿತು ಪ್ರೀತಿಯ ಚಿಗುರು, ಮೊಳೆಯಿತು ಕನಸಿನ ಅರಿವು.

ದುಂಬಿಯ ಸೋಜುಗನ ಕಂಡು ವಿರಹವಾಯಿತು,

ಸೋಜುಗನ ಸೂಜಿಯನ್ನ ಕಡೆದಾಯಿತು,

ಆನಂದದ ಹೊನಲಿನಲ್ಲಿ ನಮ್ಮಿಬರ ಜೀವನವಿತ್ತು,

ಕಣ್ಸೆಳೆದ ಮೊಜುಗಾರನ ಕೈಯಲ್ಲಿ ಸೆರೆಯಾಯಿತು.

ಇದೆಂಥ ನ್ಯಾಯವೆಂದು ದೇವರಲ್ಲಿ ಮೊರೆಯಿಟ್ಟೆನು,

ನಾನಿಲ್ಲದೆ ಹೂವಿಲ್ಲ, ಹೂವಿಲ್ಲದೆ ನಾನಿರಲಾರೆನು,

ಮುಡಿದ ಹೂ ಉರುಳಿತೆಂದು, ಗೊಗೆರೆದೆನು,

ಅರಳಿದ ಹೂ, ಬೆಳೆದ ಜೀವನವಿಲ್ಲ ಎಂದು ಉರುಳಿಹೊದೆನು.

ಓ ಒಲವೆ

ಬಾನಂಗಳದ ಅಂಚಿನಲ್ಲಿ ನಿಂತೆನು ನಿನ್ನ ಮೊಗವ ಕಾಣಲು

ಚಂದಿರನ ಹೊಂಬೆಳಕಿನಲ್ಲಿ ಹುಡುಕಾಡಿದೆನು ನಿನ್ನ ಮೊಗವ ಕಾಣಲು

ಕಾಮನ ಬಿಲ್ಲಿನ ಬಣ್ಣದ ಹಾಗೆ ಹರಡಿದೆನು ನಿನ್ನ ಮೊಗವ ಕಾಣಲು

ಹೂವಿನ ಪರಿಮಳವನು ಹುಡುಕಾಡುವ ದುಂಬಿಯಂತೆ ಹಾರಾಡಿದೆನು ನಿನ್ನ ಮೊಗವ ಕಾಣಲು

ಹಕ್ಕಿಯಂತೆ ಹಾರಾಡುತ ಮೋಡದ ಹಾಗೆ ಚಲಿಸಿದೆನು ನಿನ್ನ ಮೊಗವ ಕಾಣಲು

ಹರಿಯುವ ಜೀವ ನದಿಯಂತೆ ಸಾಗಿದೆನು ನಿನ್ನ ಮೊಗವ ಕಾಣಲು

ಓ ಒಲವೆ, ಈ ಜೀವ ಕಾದಿಹುದು ನಿನ್ನ ನಗೆಯ ಕಾಣಲು :)

ಪ್ರೀತಿಯ ವೇದನೆ

The feel of a guy when he failed in Love.

ನಿನ್ನ ನೆನೆಯದ ದಿನವಿಲ್ಲ,

ಮರೆತರೆ ನನ್ನ ಪ್ರಾಣವಿಲ್ಲ,

ನಿನ್ನ ಪ್ರೀತಿಯಲ್ಲಿ ಕರಗಿಹೋಗಿರುವೆನಲ್ಲ,

ಒಮ್ಮೆಯಾದರು ನಿನಗೆ ನನ್ನ ನೆನಪಿಲ್ಲವಲ್ಲ.

ನಾ ಮಾಡಿದ ತಪ್ಪಾದರೂ ಏನು,

ನನ್ನ ಬಿಟ್ಟು ಹೋಗಿರುವೆ ನೀನು,

ತಾಳಲಾರೆ ಈ ಹೃದಯ ವೇದನೆಯನು,

ಕೊಡುವೆಯ ಪ್ರೀತಿಯ ಅಮೃತವನ್ನು.

ಪ್ರೀತಿಯ ಅರ್ಚನೆಗೆ ಹೂಗಳಂತೆ ನೀನು,

ಆ ಹೂವನ್ನು ಬೇಡುವೆ ವರವಾಗಿ ನಾನು,

ನೀ ಎಲ್ಲಿದ್ದರು ಕ್ಷೇಮವಾಗಿರಬೇಕೆಂದು ಕೋರುವೆನು,

ಒಮ್ಮೆಯಾದರು ನಿನ್ನ ನೋಡಬೇಕೆಂದು ಬಯಸುವೆನು.

ನನ್ನ ಕನಸಿನ ಯುವರಾಣಿ

I want to tell this when I see my dream girl :)

ಕಂಡೆನು ನನ್ನ ಕನಸಿನ ಜೀವ,

ಮೊದಲಾಯಿತು ಹೃದಯ ಮಿಡಿತತ ಭಾವ.

ನನ್ನೊಲುಮೆಯ ಭಾವನೆಗಳನು ತುಂಬಿ ನಿಂತಳು,

ಅವಳೇ ನನ್ನ ಕನಸಿನ ಯುವರಾಣಿ ಆದಳು.

ನಿನ್ನಂದವ ಕಂಡು ಬೆರಗಾದೆನು,

ತುಸು ಮಾತಾಡಬೇಕೆಂದು ಬಯಸಿದೆನು.

ನಿನ್ನ ನಗೆ ಹರುಷದ ಹೊನಲು,

ಆ ನಗೆಯ ಅನುಭವಿಸುವ ಹಮಲು.

ನಿನ್ನ ಕಣ್ಣು ಮಿನುಗುವ ತಾರೆಗಳು,

ಆ ಕಣ್ಣಿನ ನೋಟದಲಿ ನಾ ಕಾಣುವ ಆಸೆಗಳು,

ನಿನ್ನ ನಡೆ ಬಳುಕುವ ಹಂಸದಂತೆ,

ಆ ನಡೆಯ ಜೊತೆ ನಾ ನಡೆಯಬೇಕಂತೆ.

ನಿನ್ನ ಕಂಡಾಗಲೇ ಹೃದಯ ಜಾರುವುದು ಮೆಲ್ಲನೆ,

ಏನೆಂದು ತಿಳಿಯಲಾರೆ ಈ ಪ್ರೇಮದ ಸೂಚನೆ.

ಓ ಪ್ರಕೃತಿಯೇ

My first poetry  :) I have written this sitting on top view point of Kemmannu Gundi.

ಓ ಪ್ರಕೃತಿಯೇ,

ಒಂದು ಹೆಣ್ಣಿನ ಅಂದವನ್ನು  ವರ್ಣಿಸಲು

ನಿನ್ನೊಂದಿಗೆ  ಹೋಲಿಸಿ  ಹೇಳುವೆ , ಆದರೆ

ನಿನ್ನಂದವ  ನಾ  ಯಾರಿಗೆ  ಹೊಲಿಸಲಿ ..!

ನಿನಗೆ  ನೀನೆ  ಸರಿಸಾಟಿ .

ಹಚ್ಚ  ಹಸಿರಿನ  ಹಾಸಿಗೆಯನ್ನ  ಹಾಸಿ ,

ಮುಸ್ಸಂಜೆ  ಮಂಜಿನ  ಮೋಡಗಳನ್ನ ಮದಿಸಿ,

ತಂಪಾದ  ತುಸು  ತಂಗಾಳಿಯನ್ನ  ತಾಕಿಸಿ ,

ಬೆಳದಿಂಗಳ  ಬೆಳ್ಳಿಯ  ಬೆಳಕನ್ನ  ಬಾಗಿಸಿ ,

ಅಮ್ಮನಂತೆ  ನಿನ್ನ  ಮಡಿಲಿನಲ್ಲಿ  ಲಾಲಿ  ಹಾಡುತ  ಮಲಗಿಸಿದೆ .

ಮುಂಜಾನೆಯಲ್ಲಿ  ಸೂರ್ಯನು  ನಗುನಗುತ್ತ  ಉದಯಿಸಿದನು,

ಶತಕೋಟಿ  ಜೀವ  ರಾಶಿಗಳ  ಬದುಕಿನಲಿ  ಬೆಳಗಿದನು ,

ಮುಂಜಾನೆಯ  ಹೊಂಗಿರನಗಳೊಂದಿಗೆ  ನನ್ನ  ಕೈ  ಹಿಡಿದು  ನಡೆಸಿದನು ,

ಪ್ರಕೃತಿಯ  ಸೊಬಗನ್ನು  ತನ್ನೊಂದಿಗೆ  ತೋರಿಸಿದನು .

ಸಮುದ್ರದ  ಅಲೆಗಳಂತೆ  ನಿಂತಿರುವ  ಬೃಹದಾಕಾರದ  ಬೆಟ್ಟಗಳು ,

ಯುದ್ಹದ ಸೇನೆಯಂತೆ  ಚಲಿಸುವ  ಮೋಡಗಳು,

ಹಸಿವನ್ನು  ಉಸಿರನು  ನೀಗಲು  ನಾವಿರುವೆನೆನ್ನುವ  ಗಿಡ  ಮರಗಳು,

ಜೀವ  ಉಳಿಸುವ  ಸಂಜೀವಿನಿಯಂತೆ  ಹರಿಯುವ  ಜಲಧಾರೆಗಳು ,

ಸ್ವಗ್ರದ  ವೈಭೋಗವನ್ನು  ತೋರಿದ ಕೆಮ್ಮನ್ನುಗುಂದಿಯೇ  ನಿನಗೆ  ವಂದನೆಗಳು.

ದೀಪಾವಳಿ ಹಬ್ಬದ ಶುಭಾಶಯಗಳು

Deepavali Best Wishes

"ದೀಪಗಳ ಹಬ್ಬ, ಮನೆಯಂಗಳದಲ್ಲಿ ದೀಪಗಳ ಸಾಲಿನ ಹಬ್ಬ,

ತೋರಣದ ಹಬ್ಬ, ಹಸಿರು ಮಾವಿನ ತೋರಣದಿಂದ ಅಲಂಕರಿಸುವ ಹಬ್ಬ,

ವ್ರತದ ಹಬ್ಬ, ಲಕ್ಷ್ಮಿ ವ್ರತ ವಿಧಾನಗಳನ್ನು ಆಚರಿಸುವ ಹಬ್ಬ,

ಸಂಭ್ರಮದ ಹಬ್ಬ, ಕಜ್ಜಾಯ ತಿಂದು ಪಟಾಕಿ ಹೊಡೆದು ಸಂಭ್ರಮಿಸುವ ಹಬ್ಬ.

ದೀಪದ ದ್ವೀಪದಲ್ಲಿ ಕತ್ತಲೆಯನ್ನು ಅಡಗಿಸಿ,

ಜಗತ್ತಿಗೆ ನವೋದಯವನ್ನು ಮೂಡಿಸಿ,

ಮನೆ ಮನ ಮುಖದ ಛಾಯೆಯನ್ನು ಬೆಳಗಿಸಿ,

ಸಂತೋಷದಿಂದ ಸಿಹಿಯನ್ನು ಹಂಚುತ ಸಂಭ್ರಮಿಸುವುದೇ ದೀಪಾವಳಿ.

ಸಂಜೆಯಾದಂತೆ ಕತ್ತಲೆಯು ಆವರಿಸುವುದು,

ದೀಪಾವಳಿಯಂದು ಬೆಳಕೊಂದೆ ಉಳಿಯುವುದು,

ವರ್ಷವಿಡಿ ಕಷ್ಟ ಸುಖ ಕಾಡುವುದು,

ದೀಪಾವಳಿಯಂದು ಸಂತೋಷವೊಂದೆ ಉಳಿಯುವುದು,

ಜೀವನ ಬಂಧು ಮಿತ್ರರಲ್ಲಿ ಕಲಹ ತರುವುದು,

ದೀಪಾವಳಿಯಂದು ಸ್ನೇಹ ಭಾನ್ಧವ್ಯವೊಂದೆ ಉಳಿಯುವುದು."

ನನ್ನ ಅರಸ

The feel of a girl  in her anniversary

ತಿಳಿಯದೆ ಒಪ್ಪಿದೆ ನಿನ್ನನು

ತಿಳಿದು ಮೆಚ್ಚಿದೆ ನಿನ್ನನು

ಅರಿತು ಒಲಿದೆನು ನಿನ್ನನು

ಬಾಳ ಸಂಗಾತಿಯ ಸಿಹಿಯ ಕಂಡೆನು

ನಿನ್ನ ಕಂಡ ಕ್ಷಣ, ಮರೆಯುವೆ ಆಯಾಸ

ಆಗದು ಎಂದಿಗೂ ವಿರಸ

ಬಾ ಬಾರೋ ನನ್ನ ಅರಸ

ಹಕ್ಕಿಯಂತೆ ಆಡುವ ಸರಸ

ಯಾರೊಂದಿಗೂ ಹೋಲಿಸಲಾರೆ ನಿನ್ನನು

ಏಕೆಂದರೆ ನೀನೆಂದಿಗೂ ನನ್ನವನು

ಮರೆಯಲಾರೆ ಈ ಜನುಮದ ಕಂಪನ

ಕೋರುವೆ ಜನುಮ ಜನುಮದ ಬಂಧನ